အမေရိကန် တော်လှန်ရေး တောင်ပိုင်းစစ်ပွဲများ…

 

 The Patriot ရုပ်ရှင်ထဲက စစ်ပွဲအတော်များတွေ ဟာ ကျွန်တော်နေတဲ့ ရှားလော့ နဲ့သိပ်မဝေးတဲ့နေ ရာတွေ မှာဖြစ်ခဲ့တာပါ၊ အဲ့ဒီတိုက်ပွဲတွေဟာ လည်း အမေရိကန်သမိုင်းကို အလှည့်အပြောင်းဖြစ်စေခဲ့တဲ့ အလွန်ထူးခြားတဲ့ ဖြစ်စဉ်တွေမို့ အချိန်အားတဲ့ အခါမှာ လေ့လာဖြစ်ခဲ့ပါတယ်..၊ ရုပ်ရှင်ကတော့ စိတ်ကူးယဉ်ဇတ်လမ်းလုပ်ထားတာဖြစ်ပြီး သမိုင်းအရမမှန်ပါဘူး..၊ ဒါပေမယ့်အဓိကကျောရိုးကတော့ သမိုင်းဖြစ်ရပ်မှန်နဲ့ ဇတ်ကောင်စရိုက်တွေပါ၊

တခါတရံမှာလည်း တိုက်ပွဲဖြစ်တဲ့နေရာတွေလေ့လာရင်း အချိန်မကြည့်မိဘဲ နောက်ကျသွားလို့ တောအုပ်ထဲက မှောင်မှ ပြန်ထွက် ဖြစ်ခဲ့တယ်..၊

နော့ကာရိုလိုင်းနားဟာ အမေရိကန်နိုင်ငံကိုစတည်ထောင်ခဲ့တဲ့ ပြည်နယ်တစ်ခုဖြစ်ပြီး အမှတ်ရစရာ သမိုင်းအဖြစ်အပျက်တွေ အများကြီးဖြစ်ခဲ့ပါတယ်..၊

မှတ်တမ်းဗွီဒီယို တွေတင်ပြပေးသွားပါမယ်..၊ အင်တာနက်နှေးရင် ဖေ့ဘုတ်မှာလည်းကြည့်နိုင်ပါတယ်၊

လေကြောင်းပြပွဲ နှင့် အမျိုးသမီး စတန့်သမား

Wing Walker Ashley Battles

ဒုတိယ ကမ္ဘာစစ် သရုပ်ပြလေကြောင်းတိုက် ပွဲတွေနဲ့ မွန်ရိုးမြို့လေး မှာ နှစ်စဉ် ကျင်းပလေ့ရှိတဲ့ လေကြောင်းပြပွဲကို သွားခဲ့ပါတယ်..၊ ပြပွဲ အမည်ကတော့ “Warbirds over Monroe” ဖြစ်ပါတယ်..၊

လေကြောင်းပြပွဲတွေဟာ ကမ္ဘာအနှံ့အပြားလူကြိုက်များပါတယ်..၊

တခါတလေ မတော်တဆဖြစ်တက်ကြပါတယ်..၊ တခါဆို တပတ် အတွင်းလေကြောင်းပြပွဲ သုံးနေရာ မှာ (အင်္ဂလန် တစ်နေရာနဲ့ အမေရိကန် နှစ်နေရာ) မတော်တဆမှုတွေဖြစ်ခဲ့ပြီး သုံးဦး အသက်ဆုံးခဲ့ဖူးပါတယ်..၊

အထူးသဖြင့် စွန့်စွန့်စားစား ပြရတဲ့ သရုပ်ပြကွက်တွေပါ၊ အဲ့ဒီ စတန့်သမားတွေထဲမှာ လေယဉ်တောင်ပံပေါ်မှာ လျှောက်သွားပြပြီး အပေါ်က စီးနှင်း သရုပ်ပြသူ Wing Walker  တွေကတော့ အသဲယားစရာပါ..၊

အဲ့ဒီနေ့ က Wing Walker အမျိုးသမီး စတန့်သမားကတော့ Ashley Battles ဖြစ်ပါတယ်၊ သူက ကမ္ဘာ့စံချိန်  ၄နာရီ ၂ မိနစ်နဲ့တင်ထားပါတယ်..၊

အင်တာနက် နှေးရင်တော့ ဖေ့ဘုတ်ဗွီဒီယို ဆိုဒ်အသေးကို ဒီမှာ ကြည့်နိုင်ပါတယ်..၊

နော်လီဇာ နှင့် အဖွဲ့ နော့လ်ကာရိုလိုင်းနား ဖျော်ဖြေပွဲ Aug 24-25, 2013

တစ်ချိန်က ဒစ်စကို ဘုရင်မအဖြစ် ကျော်ကြားခဲ့တဲ့ နော်လီဇာ နှင့် အဖွဲ့ရဲ့  နော့လ်ကာရိုလိုင်းနား ခရီးစဉ် နှစ်ပွဲ မှာ ကျွန်တော်လိုက်ပါ ပြီး ဓာတ်ပုံ ဗွီဒီယို ရိုက်ဖြစ်ခဲ့ပါတယ်..၊

 

ယူတုကနေ ပြီ Full HD 1080P နဲ့ ကြည့်နိုင်ပါတယ်..၊

 

ကျွန်တော်သမီးငယ်လေး မွေးပြီးကထဲက အလုပ်လုပ်ရင်းကလေးထိန်းနေရလို့ စာရေးဖို့ကြိုးစားတိုင်း ပြီးအောင် မရေးဖြစ်ခဲ့ပါဘူး..၊ စာလည်းမဖတ်ဖြစ်တာကြာပါပြီ..၊ ကျွန်တော် လုပ်ချင်တဲ့ ဓာတ်ပုံဗွီဒီယို တွေကိုဘဲ တစိုက်မတ်မတ်လုပ်နေခဲ့ပါတယ်..၊ သိပ်မကြာခင်မှာတော့.. မှတ်တမ်း နဲ့ ရုပ်ရှင်အတိုလေးတွေ ထုတ်လုပ်နိုင်လိမ့်မယ်ထင်ပါတယ်..၊ နော့်လ်ကာရိုလိုင်းနားမှာ လုပ်ငန်းထောင်ထားပါတယ်..၊ ဇူလိုင်လ ၁ ရက်နေ့ကနေ တရားဝင်စပါတယ်..၊ စီးပွားရေးလုပ်ငန်း ဘယ်လိုတည်ထောင်ရသလည်း ဆိုပြီး စာရေးမလို့ပါဘဲ..၊ မရေးဖြစ်သေးပါဘူး..၊ ဒါပေမယ့် ကျွန်တော် ဖုန်းပြောတာက အစ အကုန်မှတ်တမ်းတင်ထားပါတယ်..၊ အကုန်လုံးကိုယ့်ဟာကိုယ်လုပ်ခဲ့တော့ ပိုသိရတာပေါ့ဗျာ..၊ အခွန် သင်တန်းတွေ လည်းတက်ရပါတယ်..၊ ၀က်ဆိုဒ် ကို ကောင်းကောင်းလုပ်ချင်ပေမယ့် အချိန်မတတ်နိုင်သေးလို့ အမြန်နည်းနဲ့ လုပ်ထားပါတယ်..၊ ဆက်လည်းအပြီးမသတ်နိုင်သေးပါဘူး..၊ ဒီမှာကြည့်နိုင်ပါတယ်..၊

www.komyopicture.com

တချိန်က ရွှေတွင်း ကျောက်တွင်းတူးသမား၊ တောင်ယာနဲ့ခြံစိုက်သမား၊ ဓာတ်ပုံဆရာ၊ နောက်တော့ ရန်ကုန် စီးပွားရေးတက္ကသိုလ်က ကျောင်းပြီး စာရင်းစစ်စာရင်းကိုင်ဖြစ်ခဲ့..၊ ယူအန် အလုပ်နဲ့ မြန်မာပြည်အနောက်ပိုင်း နဲ့ သီရိလင်္ကာ၊ အခုတော့ ယူအက်စ်မှာ ဓာတ်ပုံ ဗွီဒီယို သမား..၊ နောက်တော့ ဘာဖြစ်ဦးမလည်း မသိဘူး..

အခု အမေရိကန်မှာ ကျောင်းတွေပြန်ဖွင့်ပြီ.. သမီးငယ်လေးက ဒီနှစ် ၄နှစ် စက်တင်ဘာ ၄ ရက်မှာ

မူကြိုစတက်တော့မယ်၊

ဒီလောက်ပါဘဲ…

 

 

တင်နစီ အလည်ခရီး..

မကြာခင် မတ်လ ၃၁ ဧပြီလ ၁ရက် ၂၀၁၃ က ကျွန်တော်တို့ မိသားစု တက်နက်စီ ပြည်နယ်ကို အလယ်သွားခဲ့ ကြပါတယ်..၊ Chittanooga မြို့က Lookout Mountain မှာရှိတဲ့ မြေအောက်ရေတံခွန် Ruby fall , Sweetwater မြို့နား က အမေရိကရဲ့ အကြီးဆုံး မြေအောက်ရေကန် The Lost Sea နဲ့ Great Smoky Mountain မှာရှိတဲ့ Gatlinburg မြို့ နဲ့ Pigeon Forge တို့ကို ၂ ညအိပ် သုံးရက်ခရီးသွားခဲ့ပါတယ်..၊ စာကိုတော့ အကျယ်မရေးတော့ပါဘူး..၊ ဗွီဒီယိုတင်ထားတာလေးတွေ တင်လိုက်ပါတယ်..၊ ကျွန်တော် စာမရေးဖြစ်တာ ၂ နှစ်လောက်ရှိပါပြီ..၊ ဘာဘဲဖြစ်ဖြစ်ကြိုးစားပြီး ပြန်ရေးမလားလို့ပါ..၊ ဘလောက် လည်းပြန်မကြည့်တာကြာလို့ တချို့ script တွေလည်း သေ ကုန်ပြီ..၊ ပြန်လုပ်ရပါဦးမယ်..၊ " ဆက်ဖက်ရန်" ကို လည်း ပြန်ပြင်ရဦးမယ်..အလုပ်မလုပ်တော့ဘူး..၊ အခုတော့ ဒီလောက်ဘဲ.. ကလေးထွက်ထိန်းလိုက်ဦးမယ်..၊

ဇာတ်ဆရာကျွန်တော် နဲ့ ၂၀၁၁ အာရှပွဲတော်..

ပြီးခဲ့တဲ့အပတ်က ရှားလော့ မြို့မှာကျင်းပတဲ့ ကာရိုလိုင်းနားအာရှပွဲတော်မှာ မြန်မာအကအဖွဲ့ပါဝင်ခဲ့ပြီး..ကျွန်တော့်အမျိုးသမီးနဲ့ သမီးဝင်ကကြတယ်ခင်ဗျ..၊ သူတို့ဝင်ကဖြစ်ပုံ ဇာတ်လမ်းအစုံကဒီလိုပါ..



ဘယ်လိုကဘယ်လို ဖြစ်တယ်မသိ..၊ တစ်နေ့တော့ ကျွန်တော့အမျိုးသမီးတစ်ယောက် သူ့သမီးကို အာရှပွဲတော်မှာဝင်က ခိုင်းမယ်ဆိုပြီး အဖော်လိုက်စပ်နေလေရဲ့..၊ အမကြီး မရှောက်တို့ မစုတို့လည်းမနေရ တော့..၊ ဒီလိုနဲ့ နစ်ကီ ကခေါင်းဆောင်ပြီး သမီးကြီးရယ်၊ မစုသမီးရယ် ကိုဝင်းသမီးရယ်ကကြမယ်ပေါ့..၊ ကိုဝင်းသမီးက ကတတ်တယ်ဆိုတော့ အိုကေပေါ့..၊ သူက နေကလေးတွေကို တဆင့် သင်ပေးမယ်ပေါ့..၊ နောက်တော့ကိုဝင်းသမီးလေးနေမကောင်းဖြစ်နေတာနဲ့ မပါနိုင်တော့..၊ ဒါနဲ့ နေပါအုံး..ဘယ်သူက ကတတ်လို့ တုန်း.. ကလေးတွေက မြန်မာအကတောင်မြင်ဘူးပုံမရ..၊ ဒီလိုနဲ့.. နောက်ဆုံးတော့ ကျွန်တော့်အမျိုးသမီးက သူက တတ်တယ် ထလုပ်ပါရော..ခက်ပြီး ဟုတ်မှလည်းလုပ်ပါဆိုတော့.. သူငယ်ငယ်က ကောင်းကောင်းကတတ်တယ်တဲ့..၊ ဒါဆို ငါ့မိန်းမက ဘယ်ဆိုးလို့တုန်း စမ်းချောင်းအထက ၂ မှာတက်တုန်းက ကျောင်းကပွဲတွေမှာပါတာလား ပေါ့..၊ ကျွန်တော်နဲ့က တက္ကသိုလ်မှာမှတွေ့တာကိုးဗျ..ဒီတော့ သူငယ်ငယ်ကအကြောင်းဘယ်သိပါ့မလဲ..၊ နောက်တော့… ဘယ်ဟုတ်လို့လဲဗျာ.. ရက်ကွက်ထဲက မူလတန်းကျောင်းမှာ တက်တုန်းက ကဘူးတာတဲ့..လေးတန်းထိကျောင်းကပွဲတိုင်းမှာပါခဲ့ဆိုဘဲ..၊ အင်း..လေးတန်းတုန်းက ကခဲ့ဘူးတဲ့ရောဂါ အသက်လေးဆယ်နားနီးမှ ပြန်ထရတယ်လို့..၊ ဒီလိုနဲ့ နေရင်းကနေ..ဘယ်မှာ အကတိုက်မှာတုန်းဆိုတော့..သိဘူးလေတဲ့..၊ အချိန်ကလည်းသိပ်မရှိ..တစ်လဘဲလိုတော့တာ..နောက်တော့..ဟိုလူ့အိမ်ဒီလူအိမ်လုပ်နေကြရင်းကနေ.. အမကြီးမရှောက် က မနေနိုင်တာနဲ့ သူ့အိမ်မှာတိုက်ဖို့ဖိတ်ခေါ်တာနဲ့ အဲဒီမှ စပြီးအကတိုက်ဖြစ်ကြပါတော့တယ်..၊ အားလုံးပေါင်းလေးကြိမ်တော့ အကတိုက်ဖြစ်လိုက်ကြတယ်.. မစုတို့အိမ်မှာတစ်ရက်..ဟ်ီရှိုစူးရှီး ပိုင်ရှင် ကိုဖိလစ်တို့အိမ်မှာတစ်ရက်ပါတယ်..၊


တစ်ခုအားရှိတာက ကျွန်တော်တို့မှာ အားကိုးလို့ရတဲ့အဆိုတော်ရှိတာဘဲ..၊ အဲ တစ်ခုစိတ်ပူရတာက အဲ့ဒီအဆိုတော် ဂျက်ဖရီ ကဖမ်းရခက်တာတခုဘဲ..သူကဒီနေ့ နယူးယောက်ဆို အနက်ဖြန် ဆန်ဖရမ် ရောက်ချင်ရောက်နေတတ်တာ..၊ ကဲကိုယ့်လူ တိုက်ပုံပုဆိုး ရယ်ဒီ လုပ် ဘယ်မှ ပျောက်မယ်စိတ်မကူးနဲ့..၊ အားလုံးပြီးသလောက်ရှိတော့ ဆိုရမယ်သီချင်းကို ရွေးတော့ နွေဦးကဗျာကိုရွေးဖြစ်သွားတယ်..၊



နောက်တစ်ခုကတော့ ကဖို့ဝတ်စုံကိစ္စဘဲဗျ.. မြန်မာပြည်က မှာ မှာလား..ဘာလားညာလာလုပ်နေရင်ကနေ..အမျိုးသမီးက သူချုပ်မယ်ဖြစ်ပြန်ရော..ဟုတ်မှလည်းလုပ်ပါကွာဆိုနေတုန်း အထည်ဆိုင်ကိုချီတက်ပြီး ဇာတွေဘာတွေဝယ်ကြပြန်ရောဗျို့..၊ဇာတွေကလည်းဈေးကြီးမှကြီး.၊ ဒီလိုနဲ့
သူတို့သားအမိအတွက်နဲ့ နီကီအတွက်ကိုသူ့ဟာသူချုပ်လိုက်တယ်..၊ သူတို့ကရန်ကုန်မှာ အမျိုးသမီးအလှဝတ်စုံချုပ်လာတာဆိုတော့ အင်္ကျီချုပ်တာ
ခရစ်စတယ် ဖန်သီးတွေဘာတွေဒီဇိုင်းထိုးတာကျွမ်းတယ်..၊ အမေရိကန်ရောက်တော့ ကွစ်တင်း (Quilting)ထိုးလိုက်သေးတယ်၊ အထည်ပြင်ဆိုင်မှာလည်းလုပ်ခဲ့သေးတယ်..၊ ဟဲဟဲ ကြုံတုန်းကျော်ငြာဝင်တာ..၊
မစုသမီးလေး မေကတော့ မြန်မာဝတ်စုံတွေအများကြီးရှိတော့မပူရ..၊

ဒီလိုနဲ့ ပွဲတော်ကျင်းပတဲ့နေ့လည်းရောက်ရော.. အစီအစဉ်တွေတစ်ခုပြီးတစ်ခုပြီးသွားလို့ ကိုယ့်အလှည့်နားရောက်သာလာတယ်..အဆိုတော် မောင်ဂျက်ဖရီက ပေါ်မလား..၊ဟဟ..လုပ်ကြပါဦး..ဆိုနေတုန်းမှာမှ…ကိုယ်တော်ကပေါက်ချလာတော့တယ်..
လမ်းမှာကားတွေကျပ်နေလို့ပါတဲ့.၊

ကတာတွေကိုတော့ ယူတုမှာသာရှု့စားတော်မှုကြပါခင်ဗျာ..၊



စာတွေက တစ်ဝက်တစ်ပျက်နဲ့ရေးပြီး အဆုံးမသတ်နိုင်လို့မတင်ဖြစ်ဘူးဖြစ်နေတယ်ဗျာ..နောက်အပတ်လောက်မှ ထပ်ရေးဦးမယ်..၊

ဘလောက်မှာ ဖတ်ရအဆင်ပြေမပြေနဲ့ ယူနီကုတ်ပြောင်းကြရင်လည်းလက်တို့ကြပါဦးဗျာ..၊

လေးစားစွာဖြင့်..
ဇာတ်ဆရာ ရန်မျိုး..(အမျိုးသမီးနဲ့ ကလေး ကနေမှတော့ ကျွန်တော်ကဇာတ်ဆရာပေါ့ဗျာ..ဟဲဟဲဟဲ…)၊

လေဘာတီမီးတုတ် နဲ့ ဒေါ်လာလေးသောင်း

လေဘာတီရုပ်ထုကြီး ဘယ်ဘက် လက်နဲမီးထုတ်ကိုင်ထားသလဲသိပါသလားခင်ဗျာ..၊ ဓာတ်ပုံမကြည့်ဘဲ စိတ်ထဲကဖြေကြည့်ပါ..၊ ဒါလေးများ ကလေးကလား လာမေးနေရသလားလို့မထင်လိုက်ပါနဲ့ဦး၊ မှန်အောင်ဖြေနိုင်ရင် ဒေါ်လာလေးသောင်းတောင်ရဖို့ အခွင့်အရေးရတဲ့သူတွေရှိပါတယ်..၊ကျွန်တော်တို့ဆီက အမေးအဖြေ တီဗွီအစီအစဉ်တခုမှာ တစ်နေ့ကမေးသွားတဲ့မေးခွန်းပါ၊ ဒီလိုပါ.. စစခြင်းမှာ ဒေါ်လာတစ်သန်းပုံပေးထားပြီး မေးခွန်း ၇ခု တစ်ခုပြီးတစ်ခုမေးပါတယ်..၊ ဖြေရတာတော့ မခက်ပါဘူး အေ၊ဘီ၊စီ၊ဒီ ရွေးသလိုမျိုးပါ၊ အဲ..မေးခွန်းတွေကတော့ မသိရင်ဘယ်အဖြေရွေးရမှန်းမသိအောင် ဖြစ်စေပါတယ်..၊ ဖြေတဲ့သူက ဒေါ်လာတစ်သန်းအပုံကြီးကို ကိုယ်ထင်တဲ့ အဖြေအကွက်ထဲကို ပုံထဲ့ပြီးလောင်းရပါတယ်..၊ ကိုယ်သေခြာရင်တော့ တစ်သန်းလုံး အကွက်ထဲပုံအောလိုက်ရုံပါဘဲ..၊ သိတ်မသေခြာရင်တော့၊ ငါးသိန်း သုံးသိန်း နှစ်သိန်းစသည်ဖြင့်ထင်တဲ့အဖြေတွေကို ခွဲလောင်းရပါတယ်..၊ လေးကောင်ဂျင်ထိုးသလိုပေါ့ဗျာ..၊ အဖြေကြေညာပုံကတော့ ဆန်းပါတယ်..၊ အဖြေမှားတဲ့အကွက်တွေ က ဂျိုင်းကနဲ အပေါက်ဖြစ်သွားပြီး လောင်းထားတာတွေ အောက်ကိုပြုတ်ကျပြီးစားသွားပါတယ်..၊ အဖြေမှန်ပေါ်ကိုတင်ထားတဲ့ငွေတွေဘဲကျန်ခဲ့ပါတယ်..၊ အဲ့ဒီကျန်တဲ့ငွေတွေနဲ့ နောက်မေးခွန်းတွေကို ဆက်လောင်းပေါ့ဗျာ..၊ နောက်ဆုံးမေးခွန်း မှာ အဖြေမှန်လို့တင်ကျန်ခဲ့တဲ့ ငွေထုတ်ကိုတော့ အသာပိုက်ပြန်ရုံပေါ့…၊ ဘာဘဲ ပြောပြော စစခြင်းမှာ ဒေါ်လာတစ်သန်းကို လက်ထဲကိုင်ကစားရတာ ရင်ခုန်စရာပါဘဲ..၊

အောက်မှာ စုံတွဲတစ်တွဲ မေးခွန်းတွေဖြေလာလိုက်တာ နောက်ဆုံးမေးခွန်းလည်း ရောက်ရော ဒေါ်လာလေးသောင်းဘဲကျန်တော့တယ်…၊ အဲ့ဒီအချိန်မှာ မေးလာတာက လေဘာတီရုပ်ထုကြီး မီးတုတ်ကို ဘယ်ဘက်လက်နဲ့ကိုင်ထားသလဲတဲ့..၊ လွယ်လိုက်တာများ..၊ ဟေ့ ဟေ့.. ဓာတ်ပုံမကြည့်နဲ့၊ အင်တာနက်က သေခြာအောင်လည်း ရှာမကြည့်နဲ့နော်..၊ စိတ်ထဲကဘဲဖြေကြည့်ပြီး.. နောက်မှ သူတို့နဲ့ အဖြေတိုက်ကြည့်..တူလားလို့..၊



အင်း…သူတို့ခင်ဗျာ အတော်ယူကြုံးမရဖြစ် ရှာမှာဘဲ..၊ လေဘာတီ ရုပ်တုကြီးကို တစ်သက်လုံးမြင်လာရတာ..ဘေးကလူကြီး ၀င်နှောက်လို့ အခုလိုဖြစ်ရတာ..၊ တစ်ခါတစ်လေလူတိုင်းဖြစ်တတ်ပါတယ်..၊
ကျွန်တော်တောင် သေခြာအောင် လက်တစ်ဖက်မြှောက်ပြီး လေဘာတီ ရုပ်တုကြီးလို လုပ်ကြည့်နေမိတယ်.. ဒါလေးများ သိသားဘဲ.. သေခြာအောင်လို့..ဟဲဟဲ..၊
အေးလေ.. ကမ္ဘာကျော် ဘော်လုံးသမားကြီးတွေတောင် ပယ်နယ်တီကန်တာ ဂိုးပေါက်လွဲသေးတာဘဲ..၊
လူ့ဘ၀ မှာ အမှန်တွေကို အမှားလို့ ထင်ယောင်ထင်မှားဖြစ်အောင် ဘေးက နှောက်တဲ့သူတွေ..၊ သံသယတွေဝင်အောင်လုပ်တဲ့သူတွေ အများသားလား..၊

ပျော်ရွင်ချမ်းမြေ့ကြပါစေ..၊

စနိုး မုန်တိုင်း

မနေ့က စနိုးတွေကျလိုက်တာ နော့ကာရိုလိုင်းနား ဆောက်ကာရိုလိုင်းနားတစ်ဝိုက်က ကျောင်းတွေ ရုံးတွေပိတ်လိုက်ကြတယ်..၊ ဒီနေ့လည်း စနိုးတွေက ရေခဲတွေဖြစ်သွားပြီး လမ်းတွေပေါ်မှာ အချပ်လိုက်ဖြစ်နေသေးလို့ ကျောင်းတွေဒီနေ့ဆက်ပိတ်လိုက်ပြန်တယ်..၊


တနင်္ဂနွေ ညနဲ့ တနင်္လာနေ့မနက်အစောပိုင်းကစပြီး စနိုးနဲ့ ရေခဲမုန်တိုင်းဖြတ်မယ်ဆိုပြီး သောကြ်ာနေ့လောက်ကထဲက ကြိုတင်ကြေညာပြင်ဆင်ထားကြပေမယ့်.. စနိုးထက် ရေခဲမိုးပါလာပြီး လမ်းတွေမှာရေခဲကုန်ပါတယ်..၊ ဒီတော့ ကျွန်တော်တို့ လည်းအပြင်မထွက်တော့ဘူး..၊




ကလေးကတော့ ပျော်နေပါတယ်၊ ကျောင်းပိတ်တာကိုး..၊ အခုပိတ်လိုက်တဲ့ရက်တွေကို နောက်လာမယ့်ကျောင်းပိတ်ရက်တွေပြန် အစားထိုးပေးရမယ်ဆိုတာကိုတော့ သူမသိသေးဘူး..၊

နှစ်သစ်မှာ ပျော်ရွင်ချမ်းမြေ့ကြပါစေ..