ဒီနေ့ မနက်မှာတော့ ကျွန်တော်တို့နော့ကာရိုလိုင်းနားပြည်နယ် ဟိုက်ပွိုင့် မြို့က ဘုန်းတော်ကြီးကျောင်းမှာ ဘုံကထိန်သင်္ကန်းကပ်လှူပွဲ ကျင်းပခဲ့ပြီး၊ ချက်ပါဟေးကာဘိုရို ဘုန်းတော်ကြီးကျောင်းမှာတော့ ကျောင်းအမြန်ပြုပြင်ပြီးစီးရန်အတွက် အားတက်သရောလုပ်အားပေးကြတာကိုတွေ့ရပါတယ်၊ ညပိုင်းမှာတော့ နာမည်ကြီး သရဲများနေ့ကို ချက်ပါဟေးမြို့လည်မှာ ကျင်းပတာကို ပါဝင်ဆင်နွဲခဲ့ပါတယ်၊
မနက်ပိုင်းဆိုပေမယ်ကျွန်တော်ရောက်တော့ ၁၁ နာရီကျော်နေပါပြီ၊ လှူတန်းစရာရှိတာလှူပြီးတာနဲ့ တစ်ပြိုင်နက် အကျွေးအမွေးဘက်ကို ချီတက်အားပေးပါတယ်၊ ခဏနေတော့ ကထိန်လှည့်ပါတယ်၊ ဒိုးပတ်ဝိုင်းနဲ့ အတော်ကို မြိုင်ဆိုင်လှပါတယ်၊ ပြီးတော့ဆရာတော်များ ရဲ့တရားနာပါတယ်၊ အားလုံးလည်းပြီးရော ပြန်ဖို့ပြင်ဆင်တော့ ချက်ပါဟေးကာဘိုရိုဘက်ကလာတဲ့သူတွေ ကလုပ်စရာရှိတာ တွေကျန်သေးလို့ မပြန်ကြသေးဘူးဆိုတာနဲ့၊ ချက်ပါဟေး ကာဘိုရို ကျောင်းကဆရာတော်ကို ကျွန်တော့်ကား နဲ့ဘဲပြန်ပင့်လာခဲ့ပါတယ်၊ ဘုန်းတော်ကြီးဒီမှာ ရောက်နေတာ အတော်ကြာပြီဖြစ်ပေမယ့် အခုမှ ဘဲ ကိုယ်တိုင်ကိုယ်ကျ ဖူးတွေ့ရပါတော့တယ်၊ ဆရာတော်က ထားဝယ်ကဖြစ်ပြီး ရန်ကုန်ကန်တော်ကလေးမှာ ကျောင်းထိုင်ခဲ့တဲ့ စာချဆရာတော်ဖြစ်ပါတယ်၊ ဒီလိုနဲ့ ကျောင်းကိုရောက်တော့ ဟိုက်ပွိုင့်ကျောင်းကပြန်ရောက်လာတဲ့တစ်ချို့ လုပ်အားပေးနေတာတွေ့ရပါတယ်၊ တစ်ချို့လည်း မနက်ကထဲက အလုပ်တွေများနေကြတာပါ၊
ကျောင်းနောက်ဘက်တောစပ်က အိမ်အိုတစ်လုံးကို မနက်ကထဲက ဖြိုချပြီး ပြန်သုံးလို့ရမယ် အုပ် တွေထုတ်ယူနေပါတယ်၊ အဲ့ဒီမှာ လည်းအတော်ရှင်းရပါဦးမယ်၊ အိမ်ဆောက်လုပ်ရေးကျွမ်းကျင်တဲ့ ကိုကျော်စိုးဝင်းကတော့ နေ့တိုင်းကို ဦးစီးပြီးလုပ်နေပါတယ်၊ ကားရောလူကော စက်ကရိယာတွေကော အကုန်ပါ ပါတယ်၊ တစ်အိမ်လုံးကလေးတွေပါမကျန်လာပြီး လုပ်အားပေးနေကြတာပါ၊ ကိုအောင်ကျော်မိုးတို့မိသားစု၊ မမြင့်တို့မိသားစု၊ ကိုမျိုးဝင်း တို့လည်းအလုပ်ရှုပ်နေကြပါတယ်၊
ပန်ရံလုပ်ငန်းကို အလွန်ကျွမ်းကျင်တဲ့ ကို မင်းဒင်တစ်ယောက်လည်း သူလုပ်ရမယ့် အတိုင်းအတာတွေနဲ့ တွက်ချက်ပြီး အင်္ဂတေ အဟောင်းတွေကို ခွာချနေပါတယ်၊ နောက်တော့ ခြုံတွေရှင်းကျ၊ အမှိုက်တွေကြုံးကျနဲ့ပေါ့ခင်ဗျာ..၊ နောက်ပြီး ခရစ်ယန်ဘာသာဝင် မဒေးမှု တို့မိသားစုကလည်း ကျောင်းအတွက်လိုအပ်တာတစ်ချို့ လှူဘို့ဆရာတော်ဆီလာရှောက်သွားပါတယ်၊
မနက်ဖြန်ကျရင်တော့ လူပိုစည်ပါမယ်၊ ကျွန်တော်လည်း မနက်ဖြန်တော့ စောစောသွားပါမယ် ဘာမှမလုပ်တက်လည်း အမှိုက်ကြုံး၊ အုပ်သယ်တော့ ရတာပေါ့ခင်ဗျာ၊ တစ်ကယ်လုပ်နေကြတဲ့ သူတွေလည်းအတော်ကို ပင်ပန်းမှာပါ အနည်းဆုံး သူတို့လိုအပ်တာလေးတွေဘေးက ကူပေးကိုင်ပေးမယ်ဆိုရင်တော့ အကောင်းဆုံးပေါ့ခင်ဗျာ၊ နောက်ပြီး မနက်ဖြန်တော့ကျောင်းနဲ့ ပတ်သတ်တဲ့လိုအပ်တဲ့ စာရင်းတွေသိရပါမယ်၊ အဲ့ဒီတော့မှ ဘာတွေလိုအပ်နေတယ်ဆိုတာနဲ့ ဘယ်တော့ ဆရာတော်ကျောင်းကို စပြောင်းလာမယ်ဆိုတာကို ဆက်လက်ဖော်ပြပေးပါမယ်၊
ညပိုင်းလည်းရောက်ရော Halloween ပွဲကို ချီတက်ဖို့သမီးကပူစာပါတယ်၊ ကားတွေကမြို့ထဲကို ၀င်လို့မရတော့ပါဘူး၊ ဒီတော့ ကားကို အနီးဆုံး ကားပါကင်မှာရပ်ပြီး လမ်းရှောက်သွားရပါတယ် တစ်မိုင်ခွဲလောက်တော့ရှောက်ရပါတယ်၊ မြို့လည်က ဖရန်ကလင် လမ်းမ ကြီးဘေးမှာ လူတွေအများကြီးပါဘဲ..၊ လမ်းပိတ်လိုက်လို့ ကားတွေမရှိတော့ပေမယ့် သတ်မှတ်ချိန်ကိုစောင့်ရပါတယ် ၉နာရီလည်းထိုးရော လမ်းပေါ်ကိုလူတွေအော်ပြီး ၀င်လာကြတာ အတော်ကို ပျော်စရာပါဘဲခင်ဗျာ တစ်မိုင်ကျော်လောက်ရှိတဲ့ လမ်းမှာ သရဲတွေပြည့်သွားတော့တာပါဘဲ၊ ဓာတ်ပုံတွေရိုက်နေရင်ကံဆိုးစွာဘဲ ကင်မရာက ဘာနဲ့တိုက်မိလိုက်တယ်မသိဘူး ပျက်သွားပါတယ်၊ လူတွေကများလွန်းလို့ သမီးကြီးကို အတင်းဆွဲနေရတာလည်းပါတာပေါ့လေ၊ ဒါတောင်သမီးငယ်လေးနဲ့ သူ့အမေကအိမ်မှာနေခဲ့လို့၊
အဲ့ဒီဟောလိုဝင်းပွဲက တရားဝင်ကျင်းပတဲ့ပွဲတော့ မဟုတ်ဘူးတဲ့ခင်ဗျ၊ လူတွေညဘက် သရဲလိုဝတ်ပြီးထွက်ကျရင်းကနေပွဲလိုဖြစ်လာတာ..၊ ရိုးရာမပျက်ကျင်းပရင်းနဲ့ အခုတော့ တာဝန်ရှိသူတွေနဲ့ မြို့ခံတွေ ပွဲတော်အတွက်အညင်းပွားနေရပါတယ်၊ အရင်ကတော့ ဆိုင်ကယ်ပွဲတစ်ပွဲကိုလည်း မြို့တော်ကနေ လုံခြုံရေးအကျောင်းပြပြီး ပိတ်လိုက်လို့ ပွဲတစ်ပွဲပျောက်သွားခဲ့ဘူးပါတယ်၊ မြို့ခံတွေကတော့ ဒီသရဲပွဲကိုတော့ အပျောက်ခံမယ်မထင်ပါဘူး၊ ဒီပွဲတော်တွေက အစိုးရကတာဝန်ယူကျင်းပတာမဟုတ်ပါဘူး၊ လူတွေသူဘာသာသူ ကျင်းပရင်းဖြစ်လာတာပါတဲ့၊ လူတွေဘယ်လိုဝတ်စားဆင်ယင်ကြသလည်းဆိုတော့ သရဲလိုဝတ်ကြသလို၊ အတွင်းခံဘောင်းဘီလောက်ဘဲဝတ်ပြီးရှောက်သွားတဲ့ ကောင်လေးတွေကောင်မလေးတွေပါတယ်၊ ရှေးခေတ်ဝတ်စုံတွေပါတယ်၊ သွေးစုတ်ဖုတ်ကောင်တွေလည်းပါတယ်၊ လူတွေစိတ်ကူးတဲ့သလိုဝတ်ကြတာကို ထိုင်ကြည့်ရတာကတော့ အလွန်ကိုစိတ်ဝင်စားစရာကောင်းလှပါကြောင်းတင်ပြလိုက်ရပါတယ်၊
2 comments:
မြန်မာလူမျိုး ဗုဒ္ဓဘာသာဝင်တွေ ကထိန်လှည့် တဲ့ အချိန် သူတို့လူမျိုးတွေ သရဲပွဲလှည့်ကြတာ တိုက်ဆိုင်တဲ့ ဆန့်ကျင်ဖက် ၂ မျိ်ုးလို ပဲနော် ...
ညကြီးမှောင်မဲ တယောက်ထဲ ရှိနေတုံး မှာ ဒါမျိုးတွေ ရုတ်တရက် မြင်လိုက်ရရင် သွေးပျက်စရာ ပဲ ..း))
ဟုတ်ပနော်.... တကယ့်ကိုဆန့်ကျင်ဘက်ပွဲနှစ်ပွဲဘဲ.... ဓာတ်ပုံလေးတွေကြည့်သွားတယ်.... နိုင်ငံရပ်ခြားမှာ မြန်မာတွေစည်းလုံးနေကြတာ အားရစရာ.........
Post a Comment