မေလ ၂၉ ရက်စနေနေ့ ချက်ပါယ်ဟေး သင်္ကြန်အမှီ တရက်ကြိုပြီး ၂၈ ရက်ညနေ အမျိုးသမီး ရုံးကပြန်လာတာနဲ့ ရှားလော့ မြို့ကနေချီတက်ခဲ့ကြပါတယ်၊ နွေရာသီမှာ ထုံးစံအတိုင်းညနေ ၈နာရီ၁၅ လောက်မှ နေ၀င်တတ်ပေမယ့် အဲ့ဒီနေ့ကတော့ မိုးတွေတစ်ဖွဲဖွဲရွာပြီး မှုံမှိုင်းလို့နေပါတယ်၊ ည ၉နာရီကျော်လောက်မှချက်ပါယ်ဟေးကိုရောက်ပါတော့တယ်၊
ချက်ပါယ်ဟေး သင်္ကြန်က ဘုန်းကြီးကျောင်းဝင်းထဲမှာ ကျင်းပကြပါတယ်၊ မြန်မာ့ရိုးရာအစားအစာ များနဲ့ ဧည့်ခံကျွေးမွေးပါတယ်၊ ကျောင်းဝင်းက အတော်ကျယ်တော့ ကားရပ်ဖို့ အခက်အခဲမရှိပါဘူး၊ သစ်ပင်ရိပ်တွေကြောင့်သိပ်မပူလှပါ၊
ကလေးတွေလည်းရေကစားပြီးအတော်ပျော်ရွှင်နေကြတာတွေ့ရပါတယ်၊ ထူးထူးခြားခြား အရေးပေါ်လူနာတင်ကားတွေ ရဲအစောင့် တွေကိုတွေ့ရပါတယ်၊ နောက်ပြီး UNC ဆေးခန်းလေးတစ်ခုလည်း လာဖွင့်ထားတာတွေ့ပါတယ်၊ ဒေသခံတွေအတော်များများလည်း ပါဝင်ဆင်နွဲကြပါတယ်၊ မြန်မာ့ရိုးရာ ၀တ်စုံတွေနဲ့ ဒေသခံ လူဖြူတွေကိုတွေ့ရတော့ ကိုယ့်ရဲ့ယဉ်ကျေးမူ ဓလေ့ထုံစံကို တန်ဖိုးထားကြတာကိုဝမ်းသာမိပါတယ်၊ ပရိသတ်ကိုကြည့်ပြီး အစားအသောက်တွေမှ လောက်ပါ့မလားစိုးရိမ်မိပါသေးတယ်၊
ဖျော်ဖြေမူ့အစီအစဉ်တွေလည်း အများကြီးပါဝင်ပါတယ်၊ ညတုန်းက လေပြင်းတွေတိုက်ပြီး မိုးရွာလိုက်လို့လားတော့မသိဘူး ဆောင်းဘောက်တွေအသံသိပ်မကောင်းလို့ ခဏခဏပြန်ချိန်နေရပါတယ်၊ ကျွန်တော်လည်း အစပိုင်းသီချင်းဆိုတာဘဲ မှတ်တမ်းတင်လိုက်နိုင်ပါတယ်၊
ဒီလိုနဲ့ ချက်ပါယ်ဟေးမှာတစ်ညအိပ်ပြီး နောက်နေ့မှာ ဟိုက်ပွိုင့်မြို့ကသင်္ကြန်ကိုချီတက်ခဲ့ကြပါတယ်၊ သင်္ကြန်ပွဲကို မနှစ်ကနေရာ ပန်းခြံထဲမှာဘဲကျင်းပကြပါတယ်၊ အဆိုတော်မီမီဝင်းဖေ လာရောက်ဖျော်ဖြေတာတွေ့ပါတယ်၊ နောက်ပြီး လာအို အဖွဲ့ကလည်း သူတို့ရိုးရာအကနဲ့ပါဝင်ဆင်နွဲပါတယ်၊ ဗီယက်နမ်အဖွဲ့ ကတော့ သူတို့ပွဲနဲ့ တိုက်နေလို့မလာနိုင်ဘူးဖြစ်သွားတယ်လို့ ဟိုက်ပွိုင့်မြို့ခံတစ်ဦးကပြောပြပါတယ်၊ ကရင်ဒုံးရိမ်းအက၊ သင်္ကြန်အကများအပြင် မြူးမြူးကြွကြွ သီချင်းများလည်းပါဝင်ပါတယ်၊ တီးခတ်သူများကတော့ ရှားလော့မြို့မှလို့သိရပါတယ်၊ သင်္ကြန်ပွဲမှာ ဈေးရောင်းပွဲပါထဲ့သွင်းကျင်းပ လို့ အစားအစာမျိုးစုံဝယ်ယူအားပေးသုံးဆောင်နိုင်ကြပါတယ်၊ ကျွန်တော်တို့လည်း မအေးရဲ့ အသုတ်စုံ၊ ကိုရခိုင်ရဲ့ နာမည်ကြီး လ္ဘက်ရည်နဲ့ အကြော်စုံတို့အားပေးပြီး ညနေပိုင်းမှာ ဆရာတော်ရဲ့ ကျောင်းကို ရောက်ခဲ့ပါတယ်၊
ဟိုက်ပွိုင့်ဆရာတော်ကျောင်းကိုဝင်ဖူး တော့ ရှားလော့မြို့က အန်တီကြီးတွေအဖွဲ့နဲ့စကားလက်ဆုံကျနေတာနဲ့ ညနေအတော် စောင်းမှပြန်ဖြစ်ပါတော့တယ်၊ သင်္ကြန်ပွဲတော်အကြောင်းကတော့ဒီလောက်ပါဘဲ..
အပြန်ခရီးအကြောင်းဆက်ပါဦးမယ်..၊
အပြန်လမ်းမှာ ကားတွေအတော်များများက တစ်နာရီမိုင် ၈၀အထက်မှာမောင်းနေကြတာသတိထားမိပါတယ်၊ ဒီလိုနဲ့ ဆယ်လာဘယ်ရီ မြို့ကိုဖြတ်တော့ ရဲကားတွေလည်းရှင်းနေတယ်လို့တွေးမိစဉ်မှာဘဲ ရှေ့မှာ ရဲကားတစ်စီးဖမ်းထားတာတွေ့လို့အရှိန်လျှော့လိုက်ပါတယ်၊ ရဲကားဖမ်းထားတဲ့နေရာကို အဖြတ်မှာ စပ်စုပြီးအဖမ်းခံရတဲ့ ကားကိုကြည့်လိုက်တော့ တိုက်တိုက်ဆိုင်ဆိုင် အသိတစ်ယောက်ကားဖြစ်နေပါတယ်၊ ဒီကားကို မှားစရာအကြောင်းမရှိပါဘူး၊ အမေရိကန်ရောက်ရောက်ချင်း ကျွန်တော်တို့ကို တစ်နှစ်ကျော် အလကားပေးစီးထားတဲ့ကားလေးမို့မှာ၊ သာမန် ကန့်သတ်မိုင်နှုန်းကျော်မောင်းတာဆိုရင်တော့ ပြသနာမရှိပါဘူး၊ ရဲပေးတဲ့ လက်မှတ်ယူ နောက်တော့ တရားရုံးသွားဒဏ်ငွေဆောင်ရင်ပြီးပါတယ်၊ အဲ..နဲနဲသောက်ထားရင်တော့ ပြသနာကြီးနိုင်ပါတယ်၊ မိတ်ဆွေကနည်းနည်းပါးပါး သောက်တတ်တော့ စိတ်ပူတာနဲ့ဖုန်းဆက်တော့ ဖုန်းမကိုင်ပါဘူး၊ မဟုတ်သေးဘူးဆိုပြီးသူ့အမျိုးသမီးဆီဆက်လိုက်တော့မှ သူအတော်သောက်ထားကြောင်းပြောပါတယ်၊ ဒါနဲ့ ကားကိုအမြန်ပြန်လှည့်ပြီး ရဲဖမ်းတဲ့ဆီကို အမှီလိုက်ရပါတော့တယ်၊ ရဲကားနောက်ကို ထိုးရပ်လိုက်ချိန်မှာဘဲ မိတ်ဆွေခမျာ လက်ထိပ်ကြီးနဲ့ရဲကားထဲရောက်နေပါပြီ၊ ဒါနဲ့ ရဲကိုဝင်ရှင်းပြပြီး မှ သူ့ကားကို လာဆွဲမယ့် တိုး ကားကိုလည်းပြန်ပိတ်ခိုင်းလိုက်ရပါတယ်၊ ရဲကလည်း တာဝန်ခံပြီးထုတ်မယ်ဆိုရင်ပြန်လွတ်ပေးမယ် ရဲစခန်းလိုက်ခဲ့ဆိုတာနဲ့ ရဲကားနောက်ကနေမောင်းလိုက်သွားရပါတော့တယ်၊ ရဲစခန်းကလည်း အဝေးကြီးမှာပါ၊ တိတ်ဆိပ်ခြောက်သွေ့တဲ့သရဲကားထဲကလို မြို့လေးတစ်မြို့ထဲ ကိုဖြတ်မောင်းပြီး မှရဲစခန်းကိုရောက်ပါတယ်၊ အဲ့ဒီမှာ စစ်တာတွေကလည်းအကြာကြီးပါ၊ နောက်တော့ ကားပေါ်ပြန်တက်ပြီး အချုပ်ဘက်ကိုမောင်းပြန်ပါတယ်၊ အချုပ်ကိုရောက်တော့မှ ခံဝန်လက်မှတ်ထိုးပြီးပြန်ထုတ်ရပါတယ်၊ သူ့လိုင်စင်တော့ သိမ်းထားလိုက်ပါတယ်၊ ရက် ၃၀မှပြန်ရပါမယ်တဲ့၊ ရဲစခန်းကထွက်ပြီး ရှားလော့ကို ပြန်မောင်း ကလေးတွေကို အိမ်မှာပြန်ထား ပြီး လမ်းဘေးမှာရပ်ထားခဲ့တဲ့သူ့ကားကို မိုင် ၇၀ ကျော်လောက်တစ်ခေါက်ထပ်မောင်းပြီး ပြန်ယူရပါတယ်၊ အားလုံးပြီးလို့ အိမ်ပြန်ရောက်တော့ ည၁၂ နာရီထိုးသွားပါပြီ၊ ဒီတော့အချိန်မရှိတော့လို့သင်္ကြန်ပုံတွေကို နောက်ကြပြီးမှတင်နိုင်တော့တယ်.. တီးဖြတ်တာတွေဘာတွေ လည်းမလုပ်နိုင်တော့ပါဘူး၊
ဟိုက်ပွိုင့်သင်္ကြန်
ပျော်ရွှင်ချမ်းမြေ့ကြပါစေ…
No comments:
Post a Comment