အလယ်ခေတ်သို့တစ်ခေါက်

သာယာလှပတဲ့ အမှတ်၇၃ လမ်းမှ ကွေ့ပြီးတောအုပ်ကြီးထဲကို ၀င်လိုက်သည်နှင့် ကျွန်တော်တို့မိသားစု အလယ် ခေတ် (၁၄ရာစုမှ ၁၇ရာစုအလယ်) ကို ပြန်ရောက် သွားလေတော့သည်၊
ကားရပ်ပြီးလှမ်းကြည့်လိုက် တော့ ဟိုးခပ်ဝေးဝေးမှာ အလံတွေတစ်လူလူ၊ ခေါင်မိုးချွန်ချွန် အိမ်တွေ၊ ရှေးခေတ်စစ်ဝတ်စုံတွေအပြည့်နဲ့ အစောင့်တွေချထားတဲ့ မြို့အ၀င်တံခါးကိုလှမ်းမြင်နေရသည်၊ မြို့အ၀င်နားမှာ ရှေးခေတ် လောက်လွဲ ကြီးတစ်ခုချထားလေသည်၊ မြို့နားနီးလာတော့ စီးချင်းထိုးပြိုင်ပွဲဖက်ဆီက ကျွဲချိုမှုတ်သံတွေ နဲ့လူတွေရဲ့တစ်ခဲနက်အော်ဟစ်လိုက်သံတွေ ကိုကြားလာရသည်..၊
ကျွန်တော်တို့အခုရောက်လာတဲ့နေရာက ရှားလော့မြို့ မြောက်ဖက် ဟန်းတားဗေးလ် မြို့နားက အလယ်ခေတ်ယဉ်ကျေးမှုပွဲတော်ပင်ဖြစ်သည်၊ တောအုပ်ကြီးထဲက ၂၂ဧကကျယ်တဲ့နေရာမှာ အလယ်ခေတ်ပုံစံအတိုင်းဆောက်လုပ်ထားတဲ့ မြို့ကလေး (ရွာကလေး) ပင်ဖြစ်သည်၊

ဒီလို ပွဲ (Renaissance festival) တွေက အမေရိကန်အနှံ့အပြားမှာကျင်းပလေ့ရှိပါတယ်၊ နော့လ်ကာရိုလိုင်းနားပြည်နယ်ထဲမှာကို နေရာအတော်များများမှာကျင်းပကြပါတယ်၊

မြို့ထဲလမ်း တစ်လျောက်မှာတော့ ကစားစရာတွေ ရှေးဟောင်းအ၀တ်အစား၊ အသုံးအဆောင်ဆိုင်တွေ..၊ အနုပညာပစ္စည်းအရောင်းဆိုင်တွေ ပန်ပဲဖိုတွေကအစ အစုံရှိသည်၊ ဘီယာနဲ့ဝိုင်ရောင်းတဲ့ဆိုင် တွေမှာလည်းလူတွေစည်လို့..၊ မြို့လည်လမ်းတစ်လျောက်မှာလည်း အလယ်ခေတ်ကလူတွေ နဲ့ အခုခေတ်ကလူတွေရောနှောပြီးသွားလာနေကြသည်၊ တကယ်လို့ ကိုယ်လည်း အလယ်ခေတ်အ၀တ်အစား မရှိလို့ငှားဝတ်ချင်ရင်လည်း အငှားဆိုင်မှာဝင်ငှားလို့ရသည်၊ အဲ.. ၀ယ်မယ်ဆိုလည်းရတယ်.. ပုံစံမျိုးစုံရှိသည်၊ အားလုံးဈေးကတော့ကြီးသည်၊ ဓားတွေဘာတွေအပါဆိုရင် ပုံမှန်ဝတ်စုံတစ်စုံကို ၃၀၀ လောက်ရှိမယ်..၊




ပြဇာတ်တွေ၊ မျက်လှည့်ပွဲတွေ၊ အက အလှ တွေ ဂီတပညာရှင်တွေ စုံလို့ပါဘဲ..၊ သမီးကတော့ ကုလားအုပ်စီးရတာနဲ့ဆင်စီးရတာကြိုက်တယ်..၊ ကျွန်တော်အကြိုက်ဆုံးကတော့ စီးချင်းထိုးပွဲပါဘဲ..၊ ဘုရင်ကြီးနဲ့ အချွှေအရံတွေရောက်ပြီးမကြာခင်မှာဘဲ..ပွဲစ ပါတယ်..၊ ပွဲအစအဆုံးရိုက်ပြီးတင်ထားပါတယ်..တစ်ကယ်တော့ ပြဇာတ်တစ်ပုဒ်ပါဘဲ..၊ နိုက် သူရဲကောင်းတွေ နှစ်ယောက် တစ်ယောက်စီးချင်းထိုးတာပါ..၊



ပုံပြင်တွေထဲက နတ်သမီးလေးတွေ နတ်သားလေးတွေလည်းရှိပါသေးတယ်..၊ စကားမပြောဘဲ ပလွေမှုတ် တဲ့ အတောင်ပံနဲ့နတ်သမီးလေး က သမီးကို ရွှေရောင်အမှုန့်လေးတွေ ပါတဲ့ ပန်းပွင့်ပုံဖန်တုံးလေးတခုပေးလိုက်တယ်..၊

ဘုရင်ကြီးကတော့ မိဖုရားကြီး အပါအ၀င် နောက်ပါအချွေအရံတွေ သက်တော်စောင့်တွေနဲ့
မြို့ရွာထဲမှာ တိုင်းခန်းလှည့်လည်နေတတ်လေရဲ့..၊





ညနေပိုင်းမှာ ဘုရင်ကြီး ချိန်ဘာ တဲနန်းကြီးထဲကို ၀င်ကြည့်ခဲ့တယ်..၊ နောက်တော့ သက်တော်စောင့်တွေကြားထဲက ဘုရင်ကြီးကို ၀င်နှုတ်ဆက်ခဲ့သေးတယ် ..ဘုရင်ကြီး ကို Your Majesty လို့ခေါ်ပြီးနှုတ်ဆက်လိုက်တော့ သူကဆုတွေဘာတွေ တောင်းပေးလိုက်လေရဲ့ (ပါးစပ်နဲ့ဆုတောင်းပေးတာနော်)၊ သူတို့စကားပြောတာ ကရှေးစကားတွေနဲ့ပါ..၊ သမီးကို နတ်သမီးလေး အနမ်းပေးတာ ကို နှစ်တိုင်းလာယူတဲ့… နတ်သမီးအနမ်းကဘာကောင်းသလည်းတော့မသိဘူး..၊
ကျွန်တော်လည်း ဘယ်နားကနတ်သမီးလေးလည်း မသိဘူး သွားယူဦးမှ ဆို ပြီးနောက်လိုက်တော့ အမျိုးသမီးက မျက်စောင်းထိုး ပြီး ဒါ..ကလေးတွေ အတွက်သီးသန့်တဲ့.. တော်လိုလူတွေကိုသာ အနမ်းပေးရရင် နတ်သမီး နေ့မကူး လောက်ဘူးနတ်သတ်ကြွေမှာ..ဆိုဘဲ..၊




နောက်တစ်ခုကတော့ ဗေဒင်ဆရာတွေ လက်ခဏာဆရာတွေဘဲဗျ..၊ လူတွေကိုတန်းစီနေတာဘဲ မေးနေကြတာ..၊ ပန်ဘဲဖိုနားရောက်တော့ ယောင်လည်လည်နဲ့ဓားတွေဝင်ကြည့်တော့ အားပါးပါး ဈေးကြီးလိုက်တာ ဓားမြှောင်တစ်ချောင်း တစ်ရာကျော်တယ်..၊ ရတနာသေတ္တာကြီးဖွင့်ပြီး ရတနာတွေ သေတ္တာတစ်လုံးအပြည့် ၈ဒေါ်လာဆိုတော့ သမီးကအားရပါးရသွားရွှေးနေတော့သည်..၊




အောင်မာ.. ရတနာမြေပုံတွေ သေနတ်တွေ မှန်ပြောင်းတွေ ကြိုးပုခက်တွေ စုံလို့ရောင်းနေတာ.. ဆိုင်ကိုမော့ကြည့်လိုက်တော့မှ ပင်လယ် ဓားပြပစ္စည်းအရောင်းဆိုင်ဖြစ်နေတာကိုး..၊ ကျွန်တော်လည်း ရတနာမြေပုံတစ်ခုပေးဆိုပြီးဝယ်တော့ ပင်လယ်ဓားပြအရောင်းစာရေးမ လှလှလေးက မြေပုံက မှန်ပြောင်းနဲ့တွဲရောင်းတာတဲ့.. မှန်ပြောင်းဝယ်ရင်မြေပုံအလကားထဲ့ပေးမယ်ဆိုဘဲ..၊ ကျွန်တော်ကလည်း လက်ပေါက်ကပ်ပြီး မှန်ပြောင်းမလိုချင်ဘူး မြေပုံဘဲလိုချင်တယ်.. အတင်းဈေးစစ်နေတော့ ကောင်မလေးလည်း ဒီ အာရှပင်လယ်ဓားပြလက်သစ်ကို ပညာပြလိုက်ဦးမယ် ဆိုပြီး အလကားပေးတဲ့ မြေပုံကို ၃ဒေါ်လာတောင်းလိုက်တယ်..၊ အေးလေ..ရတနာမြေပုံဘဲ တန်ပါတယ်..၊ ဒါနဲ့မြေပုံတွေရွှေးတော့ အားလုံးအတူတူကြီးဘဲဖြစ်နေတယ်…၊

ကဲ..ဒီတော့ သူများထက်ဦးအောင် ရတနာတွေရှိရာ အမြန်သွားမှဖြစ်တော့မယ်… ဘိုင်..ဘိုင်..

ရွှင်လန်းချမ်းမြေ့ကြပါစေ..

ပွဲတော်အကြောင်းအသေးစိတ်သိလိုပါက ဒီမှာ ကြည့်ပါခင်ဗျာ..

ဗွီဒီယို













ဓာတ်ပုံ