အမေရိကန် စကားပြန်အလုပ်

တနာရီ ၃၅ ဒေါ်လာ၊ ကားမောင်းချိန်တစ်နာရီ ၁၇.၅ ဒေါ်လာ၊ ခရီးအကွာအဝေးတစ်မိုင် ၀.၄၀ ဒေါ်လာ နဲ့ အသွားအပြန်ခရီးကို ပေါင်းပြီးရတဲ့ စကားပြန်အလုပ် က အမေရိကန်မှာမဆိုးဘူးလို့ပြောလို့ရပါတယ်၊ သူများဒုက္ခရောက်မှ ကိုယ်အလုပ်ဖြစ်တယ်ဆိုတာထက် တတ်နိုင်သလောက်ကူညီတယ်လို့သဘော ထားရင်တော့ကုသိုလ်လည်းရဝမ်းလည်းဝပေါ့ဗျာ၊ ဒီဈေးက တရားသေတော့မဟုတ်ပါဘူး..ကျွန်တော်ရတဲ့နှုန်းပါ၊ အခြေအနေအလိုက် အတိုးအလျော့ရှိနိုင်ပါတယ်၊

ကျွန်တော်နဲ့ပတ်သတ် တဲ့စကားပြန်အမျိုးအစားတွေကတော့ ဆေးဘက်ဆိုင်ရာစကားပြန် ခြင်း(medical interpreting)၊ တရားရုံးစကားပြန်ခြင်း (legal interpreting) နဲ့ အလုပ်သမားလျော်ကြေးဆိုင်ရာစကားပြန် ခြင်း (workers’ compensation interpreting) တို့ဖြစ်ပါတယ်၊ ဒီနေရာမှာ ကျွန်တော်ကတော့ တရားရုံးစကားပြန်အလုပ်ကိုလုပ်ပါတယ်၊ Independent Contractor Agreement နဲ့အလုပ်လုပ်ပါတယ်၊ အမေရိကန်မှာ
တရားစရိတ်မတတ်နိုင်သူတရားခံတွေ ရှေ့နေမငှားနိုင်သူတွေကို အစိုးရက စိုက်ပြီး ငှားပေး ရပါတယ်၊ အဲ့ဒီနေရာမှာ စကားပြန်ကိုလည်း တရားရုံးကဘဲငှားပေးပါတယ်၊ ဒီတော့ ကျွန်တော်ရတဲ့ပိုက်ဆံက တရားခံဘက်ကမဟုတ်ပါဘူး အစိုးရဆီကပါ၊ အချိန်တွက်ရာမှာ တရားရုံးကိုစရောက်တဲ့အချိန်ကနေပြီးတော့ ပြန်ထွက်ချိန်အတွင်းကို စကားပြန်နာရီ တနာရီ ၃၅ဒေါ်လာနှုန်းနဲ့ရပါတယ်၊ အနည်းဆုံးနာရီကို ၂နာရီသတ်မှတ်ပေးထားတော့၊ မစောင့်ရဘဲ ၁၅မိနစ်လောက်ဘဲစကားပြန်ပြီး ရက်ချိန်းရွှေ့လိုက်ရင်လည်း ၂နာရီစာရပါတယ် ၊ဒီအတောအတွင်းရှေ့ကအမှုတွေကိုစစ်နေလို့ စောင့်နေရတဲ့အချိန်တွေပါ ရပါတယ်၊ များသောအားဖြင့် ကျွန်တော် Charlotte မြို့ကတရားရုံးမှာ သွားလုပ်ရတာများပါတယ်၊ အိမ်နဲ့ မိုင်၁၄၀ ဝေးပြီး မောင်းချိန် ၂နာရီခွဲရှိပါတယ် (မြို့ထဲမှာတခါတလေယဉ်ကျောပိတ်ပြီးပိုကြာတတ်ပါတယ်)၊ ဒီတော့ မိုင်၂၈၀ နဲ့ ကားမောင်းချိန်၅နာရီ ကသပ်သပ်ရပါတယ်၊

ကျွန်တော်တို့မှာစောင့်ထိမ်းရတဲ့ကျင့်ဝတ်တွေလည်းအများကြီးရှိပြီး၊ အန္တရယ်များတဲ့အခါတွေလည်းရှိပါတယ်၊ ဆေးရုံမှာဆိုလည်း ဆရာဝန်ကပြောတာနဲ့ လူနာကပြောတာ၊ ကြားမှာလည်း ကြားဝင်ပြီးပတ်သတ်သူတွေဝင်ပြောတာတွေ၊ နာနာကျင်ကျင်နဲ့ ဆရာဝန်တွေကို လူနာကဒေါသတကြီးဆဲရေးတာတွေ၊ မဆိုင်တာတွေကို အပ်ကြောင်းထပ်ပြီးရှင်းနေတာတွေ၊ အဲဒီအထဲမှာ စိတ်မနှံ့တဲ့သူတွေကို ကုသတဲ့နေရာမှာစကားပြန်ရရင်ပိုဆိုးသေးတယ်၊ နောက်တစ်ခုက လူနာ သို့ အမှုသည်နဲ့အပြင်မှာအမှတ်တမဲ့ပြန်ဆုံရင် ရောနှုတ်ဆက်ရမှာလား၊ ထွက်ပြေးရမှာလား၊ များသောအားဖြင့်တော့သူကမှတ်မိလို့လာနှုတ်ဆက်ရင်အလိုက်သင့်ပြန်နှုတ်ဆက်ပြီး ထွက်သွားလို့ရပါတယ်၊ အတတ်နိုင်ဆုံးကတော့ မမြင်ချင်ယောင်ဆောင်ပြီးလစ်တာအကောင်းဆုံးပါဘဲ၊ ဘာလို့လည်းဆိုတော့ ယခင်စကားပြန်တဲ့ကိစ္စကို အပြင်မှာပြန်ပြောခွင့်မရှိလို့ပါ၊ အဓိကကတော့ စကားပြန်တစ်ယောက်အနေနဲ့ အကုန်လျှို့ဝှက်ပေးထားရပါတယ်၊ ဒီမှာက လူနာကို ကာကွယ်ပေးထားတဲ့ဥပဒေတွေအပြည့်ရှိတော့အတော်ဂရုစိုက်ရပါတယ်၊ မြန်မာတွေအနေနဲ့ပြသာနာမရှိပေမယ့် တခြားလူမျိုးတွေမှာတော့အတော်ရှိပါတယ်၊ စိတ်ညစ်စရာတစ်ခုကတော့ စာရွက်စာတမ်းတွေဖြည့်ရ လက်မှတ်ထိုးခိုင်းရတာပါဘဲ၊ ဥပမာ လူနာကသူ့ကိုယ်စားပြောခွင့်ပေးကြောင်း၊ နက်စ်တွေက စကားပြန်လာရောက်ကြောင်းအထောက်အထား စတာတွေလိုပါတယ်၊

တရားရုံးစကားပြန်လည်းဒီအတိုင်းပါဘဲ၊ ကျင့်ဝတ်တွေကိုလိုက်နာရပါတယ်၊ တရားရုံးတွေကိုဝင်ပြီဆိုတာနဲ့မျက်နာထားတင်းတင်း ရဲထွားထွားကြီး တွေကအပေါက်ဝမှာ (ဘုကျကျ) စစ်ဆေးတာတွေလုပ်ပါတယ်၊ လာသမျှလူတွေကလည်း အမှုပွေသူတွေမဟုတ်လား၊ ဒီတော့ သတ်သတ်ရပ်ရပ်နဲ့ ဝတ်စားထားရပြီး ရင်ဘတ်မှာ မိမိဓာတ်ပုံပါတဲ့ကုမဏီတံဆိပ် Badge တပ်ထားရပါတယ် (ရှိခဲ့ရင်) ဒါမှမဟုတ်ရင်တရားရုံးက ကိုယ့်ကိုထုတ်ပေးထားတဲ့တံဆိပ်တပ်ထားရပါတယ်၊ ဒါမှကိုယ့်ကို စကားပြန်မှန်းသိမှာပါ၊ အဲ..တရားရုံးကတံဆိပ်ရထားရင်တော့ ဝန်ထမ်းဝင်ပေါက်ကနေ ခန့်ခန့်ကြီးဝင်သွားလို့ရပါတယ်၊ တရားရုံးခန်းထဲရောက်ပြီဆိုရင်တော့ တရားရုံးရှေ့နေ ကို သတင်းပို့ပြီး သပ်မှတ်ထားတဲ့နေရာမှာထိုင်ရပါတယ်၊

စကားပြန်တဲ့နေရာမှာ နည်းသုံးမျိုးနဲ့ပြန်ရတာများပါတယ် Simultaneous Interpreting အဆက်မပြတ် ရှေ့ကပြောသွားတဲ့စကားတစ်ကြောင်းနှစ်ကြောင်း နောက်ကနေလိုက်ပြန်နေရတာပါ၊ ခက်ပါတယ် ဘာသာစကားကြွမ်းကျင်မှု၊ တရားရုံးအသုံးအနှုန်းကြွယ်ဝမှုအပြင် မှတ်ညဏ်ကိုလည်းတော်တော်လေးသုံးရပါတယ်၊ အလေ့အကျင့်အများကြီးလိုပါတယ်၊ တရားရုံးမှာ အဓိကပြန်ရတာကလည်းဒီ အဆက်မပြတ်စကားပြန်နည်းနဲ့ပါ၊ တရားသူကြီးနဲ့ တရားခွင်တစ်ခုလုံး လူအများရှေ့မှာပြန်ရပါတယ်၊
စကားပြန်နောက်တစ်နည်းကတော့ Consecutive Interpreting ပါ အဲ့ဒီနည်းကတော့ ပြောနေစဉ်မှာ Note လိုက်မှတ်ပြီးနောက်မှ အပြည့်အစုံစကားပြန်ရတဲ့နည်းပါ၊ တရားခံ သို့မဟုတ် သတ်သေထွက်ချက်ယူတဲ့အခါမျိုး ရှေ့နေနဲ့ တရားလို မေးမြန်းတဲ့အခါမျိုးမှာသုံးပါတယ်၊ စာကြမ်းလိုက်မှတ်တဲ့နေရာမှာ ကြွမ်းကျင်မှုအများကြီးလိုပါတယ်၊
နောက်တစ်နည်းကတော့ Sight Translation လို့ခေါ်ပါတယ်၊ ဘာသာပြန်ပေးရတာပါ၊ မိမိစကားပြန်ပေးရသူ အတွက်စာတစ်စောင်စောင်ထုတ်ပြန်တဲ့အခါမှာ ဖြစ်ဖြစ် သူ့ကိုတရားရုံးက ဖောင်ဖြည့်ခိုင်းပြီးလက်မှတ်ထိုးခိုင်းတဲ့အခါမျိုးမှာဖြစ်ဖြစ် တခါထဲပြန်ပေးရပါတယ်၊

နောက်တစ်ခုက အမှုနဲ့တရားရုံးအလိုက် စကားပြန်တာကို အသံသွင်းသိမ်းထားပြီး ပြန်ရီဗျူး လုပ်တတ်ပါတယ်၊ ဒီတော့စကားပြန်ရတာတာဝန်ကြီးပါတယ်၊ စကားပြန်အနေနဲ့လည်းမိမိ ပြန်ပေးရသူကို ဥပဒေဆိုင်ရာအကြံမပေးရပါဘူး၊ စကားပြန်တွေအနေနဲ့ဒီတရားရုံးတွေထဲဝင်ထွက်နေပြီး အမူပေါင်းများစွာကြုံတွေ့နေရတော့ အထာပေါက် တာတွေရှိတာပေါ့ဗျာ၊ ဒါတွေကိုသွားအကြံပေးလို့မရပါဘူး၊

နောက်တစ်ခုကတော့ ဘာသာစကားနဲ့အသုံးအနှုန်းတွေပါဘဲ၊ ကျွန်တော့်ကို တရားရုံးစကားပြန်လုပ်နေတယ်ဆိုလို့အတော်ဟုတ်နေတယ်မထင်ပါနဲ့ မသိတဲ့နားမလည်တဲ့ဟာတွေအများကြီးကြုံခဲ့၊ ကြုံနေဆဲပါ၊ ကဲ..မသိတဲ့ကိစ္စ၊စကားလုံးပါလာရင်ဘယ်လိုလုပ်မလည်း၊ ရောတော့မချလိုက်ပါနဲ့ စကားပြန်ကြီးကယ်မှ ထောင်လုံးလုံးကျသွားတယ်ဖြစ်နေမယ့်အပြင် ကိုယ်ပါအဖော်လိုက်နေရမယ်၊ မသိရင်ပြန်မေးရပါတယ်၊ မရှင်းရင်ပြန်ရှင်းပြခိုင်းရပါတယ်၊ လူတွေကလည်းလေယူလေသိမ်းမတူကြတော့ တစ်ချို့လူတွေပြောတာအတော်ကိုနားစိုက်ထောင်ရပါတယ်၊
မြန်မာပြည်မှာတောင် တရားရုံးထဲကို တခါမှမရောက်ဖူးပါဘူး၊ အမေရိကန်ရောက်မှခပ်တည်တည်စကားပြန်ဝင်လုပ်ရတာက မိသားစုစားဝတ်နေရေး အတွက်ကြောင့်ပါ၊ နောက်ပြီးရေကူးတတ်ခြင်ရင် ရေနစ်မှာ ကြောက်လို့မရဘူးလေ၊ ဒီနေရာမှာကျွန်တော်က တရားရုံးရဲ့ Approved, Registered or Authorized အဆင့်စကားပြန်ပါ၊ Certified အဆင့်မဟုတ်ပါဘူး၊ အဆင့်မြင့်တရားရုံးတွေတက်ရင်တော့ Certified အဆင့်မှပြန်လို့ရပါတယ်၊ ကိုယ်ကအမေရိကန်ကိုမနေ့တစ်နေ့ကမှရောက်တာ ဆိုတော့အတော်လေးကို အားစိုက်ရပါတယ်၊ တရားခွင်အပြည့် လူတွေအများကြီးရှေ့မှာ ရှေ့နေတွေတရားသူကြီးတွေနဲ့ တရားလို တရားခံ သက်သေတွေကြားမှာ စကားပြန်ရတဲ့အလုပ်ကို ကျွန်တော်ကြိုက်လွန်းလို့တော့မဟုတ်ပါခင်ဗျာ..၊ အမေရိကန်ရုပ်ရှင်လေးဘာလေး ကြည့်ဖြစ်လို့ တရားခွင်အခန်းလေးပါခဲ့ရင် အဲ့ဒီထဲမှာ ကျွန်တော့်ကိုထဲ့ပြီးမြင်ယောင်ကြည့်ပေတော့ဗျာ..၊

ဘာဘဲပြောပြော အမှုကိစ္စကင်းဝေးပြီး ပျော်ရွှင်ချမ်းမြေ့ကြပါစေ..၊

(ဒီအလုပ်ကို နော့ကာရိုလိုင်းနားစင်ထရယ်ယူနီဗာစီတီမှ မြန်မာ ပါမောက်္ခကြီးတစ်ယောက်ကရှာပေးခဲ့ပါတယ်၊)