ချက်ပါဟေးမှ သရဲပုံပြင်များ

၁၉၅၃ ခုနှစ် အတွင်းက ရက်တစ်ရက်၊ ချက်ပါဟေးမြို့ ဖရန်ကလင်လမ်းမှ အိမ်ကြီးတစ်အိမ်မှာ ကက်သရင်း ဘယ်ရီဟေးလို့ အမည်ရတဲ့ အမျိုးသမီးကြီးတစ်ယောက် စာတစ်စောင်ရေးနေသည်၊ သူနေထိုင်ခဲ့ရာ အိမ်ကြီးက မထွက်ခွာမှီ အိမ်ကြီး အကြောင်းကို နောက်ပြောင်းရွှေ့ရောက်ရှိလာမည့် သူများအတွက်အမှာစာ ရေးသားနေခြင်းဖြစ်သည်၊ စာကိုအပြီးသတ်ခါနီးမှာ ဘာများကျန်ခဲ့သလဲလို့ စဉ်းစားရင်း အိမ်ကြီးအတွင်းပိုင်းကို တစ်ချက်လှည့်ကြည့်လိုက်ပြီးနောက် တစ်စုံတစ်ခုကို သတိရသွားသည် “အိုး..ဒီအိမ်ကြီးက သရဲအကြောင်းကိုတော့ သေသေခြာခြာမှာခဲ့ ဖို့မေ့လို့အဖြစ်ဘူး…” စသည်ဖြင့်ရေးသားရင်းစာကိုနိဂုံးချုပ်လိုက် လေသည်၊

ထိုအချိန်မှစပြီး ဒီအိမ်ကြီးရဲ့ သရဲဇတ်လမ်းကလူသိရှင်ကြားဖြစ်လာလေတော့သည်၊
ဒီလိုနဲ့ သရဲခြောက်တဲ့အိမ်ကြီးကနာမည်ကြီးလာသည်၊ ဒီအိမ်ကြီးမှာနေထိုင်ကြီးပြင်းခဲ့တဲ့ လေဒီ ကက်သရင်းဘယ်ရီဟေး အဆိုအရ သူငယ်စဉ်က ညညတွေမှာ သရဲတစ်ယောက်သူ့အခန်းထဲကို ရောက်ရောက်လာတတ်ပြီး သူမ နဲ့စကားပြောလေ့ရှိသည်တဲ့၊ နောက်ပြီး အိမ်သာမှာ သူ့ဟာသူရေဆွဲချတာတို့၊ လှုပ်ကုလားထိုင်ကသူ့ဟာသူလှုပ်နေတာတို့၊ ပစ္စည်းတွေသူ့ဟာသူနေရာရွှေ့သွားတာတို့ဖြစ်တတ်ပါတယ်တဲ့၊ နောက်ထက်ရောက်လာကြတဲ့ ဖရက်ဝေဘာတို့ဇနီးမောင်နှံကလည်း ဒီအိမ်မှာ သရဲရှိကြောင်းသူတို့ယုံကြည်ကြသတဲ့..၊ စာကြည့်ခန်းထဲမှာ အမြဲလို အသံတွေကြားနေရတတ်ပြီး၊ ညဘက်တွေမှာ သရဲကြီးတစ် ယောက်လမ်းရှောက်နေတတ်တယ်လို့ ဆိုပြန်ပါတယ်..၊
ရာဇ၀င်ကိုလိုက်ကြည့်လိုက်တော့..အဲဒီ သရဲ ကြီးဟာ နော့ကာရိုလိုင်းနားတက္ကသိုလ်က ပါမောက်္ခကြီး ဟိုရေ့ ၀ီလီယံဖြစ်ပါတယ်တဲ့၊ သူဟာအဲ့ဒီအိမ်ကြီးမှာ ၁၈၉၇ ကနေ ၁၉၄၀ သူသေတဲ့အချိန်ထိနေသွားပါတယ်၊ သူသေဆုံးချိန်မှာတော့ အဲ့ဒီအိမ်ကြီးရဲ့ ပိုင်ဆိုင်ခွင့်ကို နော့ကာရိုလိုင်းနားတက္ကသိုလ်ကို ပေးခဲ့ပါတယ်၊ နောက်တော့ ပြောင်းရွှေ့ရောက်ရှိလာတဲ့ ပါမောက္ခ်တွေ အစဉ်အဆက်နေထိုင်ခဲ့ကြပါတယ်၊ အခုတော့ ၁၈၄၀ ခုနှစ်ကဆောက်ခဲ့တဲ့အဲ့ဒီအိမ်ကြီးကို ချက်ပါဟေးမှာ ရှေးဟောင်းအမွေအနှစ်တစ်ခုလိုပြုပြင်ထိမ်းသိမ်းထားပါတယ်၊
ဒါနဲ့ ၂၀၀၇ ကနေ ဒီနေ့ထိ ချက်ပါဟေးရှေးဟောင်းအမွေအနှစ် ပြုပြင်ထိမ်းသိမ်းရေးဌာနမှာ ဒါရိုက်တာ လုပ်နေတဲ့ အားနက် ဒေါ်လာ ကို တာဟီးသတင်းစာကမေးမြန်းကြည့်တော့…၊
ဒီအိမ်ကြီးမှာ ပစ္စည်းတွေနေရာရွေ့တာတွေ၊ အခန်းလွတ်ထဲကနေအသံတွေ ကြားရတာတွေ ကတော့ ခဏခဏပါဘဲတဲ့..၊ တံခါးမကြီးကိုလာခေါက်သံ ကြားလို့ လို့ထပြီးဖွင့်ကြည့်တဲ့အခါမှာ ဘယ်သူမှ မရှိတာမျိုးလည်းမကြာ မကြာဖြစ်တတ်ပါသေးတယ်တဲ့..၊ နောက်တော့ သရဲရှာသူတွေနဲ့ နာနာဘာဝစုံစမ်းစစ်ဆေးရေးအဖွဲ့တွေလည်းသရဲတကယ် ရှိမရှိကို မကြာမကြာ လာရောက်စုံစမ်းကြပါတယ်တဲ့၊
၂၀၀၇ ခုနှစ်အတွင်းက ညတစ်ည မှာတော့ ဒါရိုက်တာ အားနက်ဒေါ်လာ ကိုယ်တိုင် သရဲစုံစမ်းတဲ့အဖွဲ့တစ်ဖွဲ့ နဲ့အတူပါဝင်ခဲ့ပါတယ်၊ သူတို့မှာ အထူး ကင်မရာတွေ၊ အသံဖမ်းစက်တွေ၊ အပူချိန်တိုင်းစက်တွေစတာတွေပါဝင်ပြီး၊ အဲ့ဒီညမှာ သရဲလို့ ယူဆရတဲ့ အလင်းရောင်အရိပ်ပုံတွေလည်းရခဲ့ပါတယ်၊ ထူးခြားတာတစ်ခုကတော့ ဧည့်ခန်းထဲမှာ အသင့်ဆင်ထားတဲ့ ကင်မရာတွေက ဘက်ထရီတွေသူ့ဟာသူအားကုန်သွားပြီး ကင်မရာတွေပိတ်သွား ပါတယ်တဲ့၊ အားနက်ဒေါ်လာအဆိုအရတော့ ဧည့်ခန်းထဲက လျှပ်စစ် မီးတွေဟာ ဒီလိုဘဲ သူ့ဟာသူငြိမ်းငြိမ်းသွားတတ်ပါတယ်တဲ့၊
ဒီလို နဲ့ တစ်နေ့မှာ သရဲတွေရှိမရှိကို သိနိုင်တယ်ဆိုတဲ့ အမျိုးသမီးကြီးတစ်ယောက်ရောက်လာပြီး အိမ်ကြီးကို လှည့်ပတ်ကြည့်ခွင့်တောင်းခဲ့ပါသေးတယ်၊ သူမနဲ့ အတူလိုက်ပါခဲ့တဲ့ လက်ထောက်ဒါရိုက်တာ ရှယ်ရီရယ် ကိုရိုလပ် အပြောအရတော့ ကက်သရင်းဘယ်ရီဟေး နေခဲ့တဲ့အခန်းကို အရောက်မှာ အမျိုးသမီးကြီးဟာ တွေတွေကြီးရပ်သွားပြီး သူ့တစ်ကိုယ်လုံးလည်း ကြက်သီးမွေးညင်းတွေထသွားတယ်လို့ဆိုပါတယ်၊



လူတွေကသရဲမကြောက်ဘူး၊ မယုံဘူးစသည်ဖြင့်ပြောနေတတ်ကြပေမယ့်၊ တစ်ခါလာစုံစမ်းတဲ့ အဖွဲ့တစ်ဖွဲ့ကတော့ စက်ကရိယာတွေအစုံပါတဲ့အပြင် စုစုပေါင်းလူအင်အားက ၂၁ ယောက်တောင်ပါတယ်တဲ့၊ ဒီလောက်လူအုပ်ကြီးနဲ့ စက်တွေနဲ့ဆိုရင် အိမ်ထဲမှာ သရဲတောင်နေစရာရှိမှာမဟုတ်ဘူးထင်မိတယ်၊



နောက်ထပ်နာမည်ကြီးနေရာတစ်ခုကတော့ ကာရိုလိုင်းနားအင်း ဖြစ်ပါတယ်၊ အဲ့ဒီမှာ လည်းမကြာမကြာ သရဲရှာသူတွေခြေချင်းလိမ်နေတတ်ပါသေးတယ်၊ သူ့ကိုလည်း ရှေးဟောင်းအဆောက်အဦးအဖြစ်ထိမ်းသိမ်းထားပြီး နာမည်ကြီးစားသောက်စရာများနဲ့ တည်းခိုစရာ၊ ပါတီကျင်းပရာနေရာအဖြစ် ထင်ပေါ်ကျော်ကြားပါတယ်၊ အဲ့ဒီမှာ အလုပ်လုပ်တဲ့သူတွေအပြောအရတော့ မြေအောက်ထပ်က စတိုခန်းတွေကိုသွားရင် တစ်ယောက်ထဲပေးမသွားပါဘူးတဲ့၊ နောက်ပြီးတော့ သရဲအခြောက်ဆုံးအခန်းကတော့ အခန်းနံပတ် ၂၅၂ပါတဲ့၊

ဒီလိုနောက်ထပ်နာမည်ကြီး သရဲခြောက်တဲ့နေရာတစ်ခုကတော့ ဒူဘော့ဟောက်လို့ နာမည်ရတဲ့ တောင်ကုန်းလေးတစ်ခုပေါ်က ရှေးဟောင်းအိမ်ကြီးတစ်ခုဖြစ်ပါတယ်၊ သူကလည်းဈေးအလွန်ကြီးတဲ့ နာမည်ကြီး လူချမ်းသာပညာတတ်တွေအတွက် ဖွင့်ထားတဲ့ စားသောက်ဆိုင်ကြီးလည်းဖြစ်ပါတယ်၊ အဲ့ဒီအိမ်ကြီးကို တော့ မြေအောက်ခန်းတွေထဲထိရောက်ဖူးခဲ့ပါတယ်၊ တစ်ကယ့် သရဲ ရုပ်ရှင်တွေထဲကလိုမျိုး အိမ်ကြီးပါဘဲ၊

အဲ့ဒီနေရာတွေက ကျွန်တော်နေတဲ့နေရာနဲ့ ဆို ၃မိုင်အတွင်းလောက်မှာဘဲရှိပါသေးတယ်၊ နောက်ထပ်သရဲခြောက်တယ်လို့ နာမည်ကြီးတဲ့ အိမ်တွေလည်းရှိပါသေးတယ်၊ တချို့နေရာတွေကလည်း တိတ်ဆိတ် ပြီး အထီးကျန်ဆန်လွန်းတော့ ခြောက်လှန့် နေသလိုမျိုးခံစားရစေတတ်ပါတယ်၊



နောက်ပြီး သရဲ စုံစမ်းရေးအဖွဲ့တွေလည်း အများကြီးရှိပါတယ်၊ ကာရိုလိုင်းနားအင်းမှာတောင် တခါတလေ သရဲတက္ကသိုလ်ဆိုပြီး သရဲစုံစမ်းထောက်လှမ်းတဲ့နည်းသင်တန်းတွေသင်ပေးပါတယ်၊ တခါမှာ နော့ကာရိုလိုင်းနားတက္ကသိုလ်ထဲက သရဲခြောက်တဲ့နေရာတွေအကြောင်း စုံစမ်းလေ့လာတွေ့ရှိချက်တွေကို ရှင်းလင်းတင်ပြပွဲတခုပြုလုပ်ခဲ့ပါတယ်၊ တက်ရောက်လာတဲ့သူတွေထဲက ပါမောက္ခတစ်ယောက်ကတော့ သရဲကို ယုံတော့မယုံဘူး ဒါပေမယ့်အလွန်စိတ်ဝင်စားဖို့တော့ကောင်းတယ်လို့မှတ်ချက်ချခဲ့ပါတယ်၊

အမေရိကန်နိုင်ငံကို ပထမဆုံးစတင်ထူထောင်ခဲ့တဲ့ ပြည်နယ်တစ်ခုဖြစ်တဲ့ နော့ကာရိုလိုင်းနားမှာ အံ့သြထူးဆန်းဘွယ်ရာပုံပြင်တွေ ဇတ်လမ်းတွေ အများကြီးရှိပါတယ်၊ ဒီတော့ ရှေးဟောင်းအိမ်ကြီးတွေနဲ့သရဲအကြောင်းတွေက ရှိနေတာမဆန်းပါဘူး၊ ဒီအကြောင်းတွေကို တင်ပြထားတဲ့
သရဲစုံစမ်းလေ့ လာသူတွေရဲ့ ၀က်ဆိုက်တွေ အများကြီးရှိပါတယ်၊ ဒီမှာ
လည်းဝင်ကြည့်လို့ရပါတယ်၊ ကိုယ်တိုင် ယုံဖို့ မတိုက်တွန်းချင်သလို မယုံဘူးလို့လည်းမပြောလိုပါ၊ အဲ..သရဲရှိမယ်ဆိုရင်လည်း လူတွေကိုတော့ဘာမှလုပ်နိုင်မှာမဟုတ်ပါဘူး၊



မကြာသေးခင်ကဖတ်လိုက်ရတဲ့သတင်းတစ်ပုဒ် အရတော့..
အမှန်တကယ် လူတွေကို အန္တရယ်ပေးနိုင်မှာကတော့ ဇွန်ဘီး (zombie) တွေလို့ဆိုရဲ့..၊ အူကြောင်ကြောင်တော့နိုင်ရဲ့ ခေတ်မှီနိုင်ငံကြီးရဲ့ နာမည်ကြီးတက္ကသိုလ်တခုမှာ ဇွန်ဘီးတွေ တိုက်ခိုက်လာရင်ဘယ်လိုကာကွယ်မလည်းဆိုပြီး ဆွေးနွေးပွဲလုပ်ရတယ်လို့၊ထားပါတော့..၊

လူတွေကိုယ်တိုင်ကလည်း စိတ်ထင်ယောင်မှားဖြစ်တဲ့ သဘာဝရှိပေမယ့်
ဘာဘဲပြောပြော လူ့ဘ၀ကြီးမှာ ကျွန်တော်တို့မသိနိုင်တာတွေကအများကြီးရှိနေတာတော့ အသေအခြာပါဘဲ..၊
တစ်ခုသတိရလာတာကတော့ နာမည်ကြီးသီချင်းတစ်ပုဒ်ပါ၊ လူတိုင်းသိကြတဲ့ “ဟိုတယ်ကယ်လီဖိုးနီးယား” ၊ အဲ့ဒီသီချင်း ရဲ့အဓိပ္ပါယ်ကို ငရဲ နဲ့နတ်ပြည်အကြောင်း…၊ မူယစ်ဆေးဝါး ရဲ့ လွမ်းမိုးမှု့ အကြောင်း..စသည်ဖြင့်..၊အမျိုးစုံခံစားအဖြေထုတ်ကြပါလိမ့်မယ်၊ ဒါမှမဟုတ် မှုးယစ်ရီဝေနေတဲ့ သူတစ်ယောက် လျှောက်သွားရင်း ညတစ်ည ဆေးအပျယ်မှာ သရဲခြောက်ခံရတဲ့အကြောင်းဆိုရင်ကော..၊ သီချင်းစပ်တဲ့ သူပဲသိပါလိမ့်မယ်..၊
You can checkout any time you like, but you can never leave!
နောက်ဆုံးစာသားလေးအရတော့.. ကြိုက်တဲ့အချိန်မှာ ထွက်သွားလို့ရပါတယ်.. ဒါပေမယ့်သံသရာထဲကတော့လွတ်မှာမဟုတ်ဘူးလို့ဘဲ အဓိပ္ပါယ်ဖွင့် လိုက်ရင်းနိဂုံးချုပ်လိုက်ပါတယ်..၊


ခြောက်လှန့်ခံရခြင်းမှ ကင်းဝေးကြပါစေ..

၂၀၀၉ သရဲများနေ့အမှတ်တရ..


ကိုးကား
http://www.hauntednc.com/investigation_carolinainn.htm
http://www.dailytarheel.com/content/lecture-brings-attendees-ghoulish-delight
http://www.dailytarheel.com/content/exploring-supernatural
http://www.dailytarheel.com/content/what-do-if-zombies-attack
http://www.dailytarheel.com/content/chapel-hill-landmark-haunts-franklin-street